साहित्यपोस्ट
नेपाली भाषा र साहित्यको सम्पूर्ण पत्रिका

विश्व चर्चित बाल-उपन्यास फुच्चे राजकुमार, अध्यायः तीन

Chovar Blues Mobile Size

अध्याय – तीन

हवाइजहाजको बारेमा थुप्रै जिज्ञासा राख्यो फुच्चे राजकुमारले । तर आफ्नो बारेमा खासै केही बताएन उसले । संयोगवश उसले उच्चारण गरेका शब्दहरूबाट बिस्तारै केही अनौठा रहस्यहरु बुझ्न थालें मैले ।

हवाइजहाजका बारेमा बताएपछि फुच्चे राजकुमारले सोध्यो, “ए ! उसो भए तिमी आकाशबाट आएको ? मैले भने, “हो ।”

उसले भन्यो, “तपाईं आकाशबाट झरेको हो ” कुन ग्रहबाट ?

उसँग गरेको संवादबाट मलाई थाहा भयो, ऊ अर्कै ग्रहबाट आएको रहेछ ।

sagarmani mobile size

कुन ग्रहबाट आएको सोध्दा उसले केही जवाफ दिएन ।

थप जानकारी पाउन कोसिस गर्दै मैले उसलाई सोधें “ए बाबू ! भन त, तिमी कहाँबाट आएका हौ ? तिम्रो घर कहाँ हो ? मेरो भेडालाई कता लिएर जाँदै छौ ?”

केहीबेर गम्भीरतापूर्वक सोचेर फुच्चे राजकुमारले भन्यो, “तिमीले बाकसको चित्र बनाई दिएर धेरै राम्रो गर्यौ । भेडा यही बाकसभित्रै सुत्छ अब ।”

“म तिमीलाई एउटा दाम्लो र किलो दिन्छु, दिउँसो भेडालाई बाँधिराख्नू ।” मेरो कुरा सुनेर फुच्चे राजकुमार जोडले हाँस्न पो थाल्यो ।

“भेडालाई बाँध्ने ! कस्तो अचम्मको कुरा ! किन बाँध्नु ? धेरै टाढा जानैपर्दैन उसलाई । भागेर पनि कहाँ नै जाला र ?”

“तिमीले बाँधेनौ भने त्यो जता पनि जान सक्छ” मैले भनेँ । उसले भन्यो, “केही फरक पर्दैन, धेरै पर जानैसक्दैन ।

===

लेखकका बारेमा

Antoine de Saint-Exupery

नाम: एन्टोनी डे सन्त एजुपेरे
जन्म: जुन २९, १९००
मृत्यु:– १९४४

जन्मस्थान:- लुयन, फ्रान्स
पेशाः:- पाइलट/लेखक

उपन्यासकार एन्टोनी डे सन्त एजुपेरे पेशाले पाइलट थिए | फ्रेन्ज न्यमेल एकेडेमी (French navel Academy) को प्रवेश परिक्षामा असफल भएपछि उनले सिपाहीको जागिर सन्‌ १९२१ मा Starasbowey बाट शुरू गरे । त्यही उनले पाइलटको कोर्ष पुरा गरे । सन्‌ १९२३ मा आफ् नो स्थायी जागिर छोडेर विभिन्न कामहरू गर्न थाले । फेरि सन्‌ १९२६मा आफ्नो पुरानै हवाईजहाज चलाउने काम शुरू गरे । दुई पटक हवाई दुर्घटनामा परेपनि उनी सकुसल बाँचे ।

उनको पहिलो पुस्तक साउँटन मेल (Southern Mail) सन्‌ १९२९ मा प्रकाशित भयो । सन्‌ १९३४ मा उनको दोस्रो उपन्यास वुन्ड, सान्ड र ताराहरू (Wind, Sand, and Stars) छापियो । जुन Grand Prize for Novel Writing र National Book Award बाट अमेरिकामा सम्मानित भयो |

सन्‌ १९४३मा फुच्चे राजकुमार ( The Little Prience) प्रकाशित भयो जसले उनलाई संसारमा चिनाए । यो पुस्तक संसारको धेरै भाषामा अनुवादित पुस्तक मध्ये एक हो । सन्‌ १९४४ मा उनको निधन हुनु एक वर्ष अघि मात्र उनले फुच्चे राजकुमार (The little Prience) लेखेका हुन्‌ ।

लेखक परिचय

बद्रीप्रसाद घिमिरे नेपालका राम्रा अनुवादकहरूमध्ये एक हुनुहुन्छ । उहाँले मार्क ट्वेनको राजकुमार र भिखारी लगायत अन्य दर्जनौँ पुस्तकहरू अनुवाद गर्नुभएको छ ।

प्रतिक्रिया
Loading...