नेपाली साहित्यको सम्पूर्ण पत्रिका

मुक्तक प्रतियोगिताको अठाराैँ संस्करणको नतिजा सार्वजनिक

साहित्यपोस्ट विद्युतीय पत्रिकाको खुला मुक्तक प्रतियोगिताको अठाराैँ संस्करणमा केबी पारखी, पूजा खड्का, अनाम उपेक्षित सर्वोत्कृष्ट मुक्तककारका रूपमा चयन भएका छन् ।

त्रिभुवन विश्वविद्यालयका प्राध्यापक डाक्टर एवं साहित्य अन्वेषी लक्ष्मणप्रसाद गौतमको नेतृत्वमा बसेको चार सदस्यीय टोलीले रीतपूर्वक प्राप्त भएका प्रतियोगी मुक्तकका तीन मुक्तककारहरूलाई सर्वोत्कृष्ट घोषित गरेको हो ।

डा. लक्ष्मणप्रसाद गौतमको नेतृत्वमा रहेको उक्त मुक्तक प्रतियोगिताको निर्णायकहरूमा पद्मकन्या कलेजकी उपप्राध्यापक ज्ञानु अधिकारी र साहित्यपोस्टकी मुक्तक सम्पादक निशा केसी रहेका छन् । तीन जना निर्णायकहरूको निर्णयलाई साहित्यपोस्टका प्रधानसम्पादक अश्विनी कोइरालाले सहजीकरण गरेका थिए ।

प्रधानसम्पादक कोइरालाले काव्य विभागलाई भने, “तोकिएको नियममा रहेर यस हप्ता जम्मा तीन मुक्तककारका मुक्तक मात्र प्राप्त भएका थिए । हामीले तिनै तीन मुक्तककारलाई विजय घाेषित गरेका हाैँ ।  केही मुक्तकहरू नियमबाहिर रहेर पनि प्राप्त भएका थिए ।”

५० सातासम्म चल्ने यस प्रतियोगिताबाट हरेक साता  उत्कृष्ट हुने मुक्तकहरूलाई समेटेर वर्षका चर्चित मुक्तकसङ्ग्रह प्रकाशन गरिनेछ । हरेक साता तीन मुक्तकका दरले एक वर्षमा उत्कृष्ट हुने ४ सय ५० मुक्तकहरूमध्येबाट पनि सर्वोत्कृष्ट तीन मुक्तकहरू छानेर त्यस्ता श्रष्टालाई सार्वजनिक अभिनन्दनसहित नगद पुरस्कार दिने योजना पनि बनाइएको छ । छानिएका ४ सय ५० मुक्तकको पुस्तकसमेत प्रकाशन गरिनेछ ।

विजेताहरूलाई साहित्यपोस्ट, काव्य विभाग हार्दिक बधाई ज्ञापन गर्दछ । साथै मुक्तक प्रतियोगितामा भाग लिने सबैमा आभार प्रकट गर्दछ ।

पढ्नुहोस् विजयी मुक्तकहरूः

 

प्रतिक्रिया
Loading...