नारी स्रष्टा समाज नेपालबाट हरेक वर्ष मङ्सिर १ गते प्रदान गर्दै आएको कविराज स्रष्टा सम्मान २०७९ को पुरस्कार भीष्म उप्रेतीलाई प्रदान गरिने भएको छ ।

एघार हजार रूपैयाँ राशिको यो पुरस्कार गत वर्ष पोखराका रमेश श्रेष्ठलाई प्रदान गरिएको थियो ।

समाजकी अध्यक्ष ममता मृदुल , कविराज पोखरेलकी पत्नी कौशिला पोखरेलसमेत रहनु भएको पाँच सदस्यीय समितिबाट यो निर्णय गरिएको नारी स्रष्टा समाजकी अध्यक्ष ममता मृदुलले जनाउनुभयो ।