नेपाली समाजको यथार्थलाई समेटेर ‘साइँलो नरमाइलो’ बोलको गीत सार्वजनिक भएको छ । गीतमा धादिङका गायक सुरेश बानियाँको आवाज रहेको छ ।

गीतकार कृष्ण शताब्दीको शब्द तथा उहाँकै सङ्गीत रहेको गीत गीतकारकै युट्युब च्यानलमार्फत गत जुन ९ तारिख सार्वजनिक गरिएको हो ।

गायक बानियाँ लामो समयदेखि वैदेशिक रोजगारीको सिलसिलामा कोरियामा हुनुहुन्छ । प्रवासमै बसेर उहाँ नेपाली लोक गायनमा सक्रिय रहँदै आउनुभएको छ ।

सञ्जीवनी डिजिटलको प्रस्तुति रहेको यस गीतमा जय देवकोटा र छवि बास्ताकोटीले गायक बानियाँलाई आवाजमा  साथ दिनुभएको छ ।

विनोद भण्डारीको निर्देशन रहेको गीतको म्युजिक भिडियोमा विनोद भण्डारी, अनिल पौडेल र मनिषा लामाको मुख्य अभिनय देख्न सकिन्छ ।