हतारमा पकाएको खाना मीठो कहाँ हुन्छ र?
फाइभ जी जस्तै सबै काम छिटो कहाँ हुन्छ र?

धैर्य बिना हुने सफलता क्षणिक हुन्छ साथी
दुई चार थान नोटले बिटो कहाँ हुन्छ र?

जिन्दगी सधैँ एकनासको हुँदैन बुझौँ यो तथ्य
मानिस सधैँ कल्कलाउँदौ लक्का ठिटो कहाँ हुन्छ र?

बाटो हेर्दै बस्ने कहिल्यै पुग्दैन गन्तव्यसम्म
पसिना बगाएर पाएको फल तीतो कहाँ हुन्छ र?

घाम पानी सहेर उम्रेको बिरुवा मजबुत हुन्छन्
बादल मडारिंदा आकाश नीलो कहाँ हुन्छ र?