हुस्सु र कुहिराे वायुमण्डलमा
बादल लागेर नभभरि
आउन कठिन किरण धरतीमा
हिजाे पनि

कुहिराहरू ईर्ष्यालु बनेर
झरीहरू आरिसले जलेर
यात्रा राेके आलाेककाे
हिजाे पनि

औँसीका रात सक्रिय
बनाए प्रभातका किरणहरू निष्क्रिय
सपना च्याते आमाकाे
आज पनि

हुस्सुहरू, कुहिराहरू, बादलहरू
अनि झरीहरू छिचोल्दै
चिसा रातहरू चिर्दै
आउनेछ सुनाैलाे बिहानी
आउनेछ सूर्यकाे छवि
याे माटाेमा
पुनः आउनेछ रवि ।