बैशाख १२, शुक्रबार ०९:१० 
|
|
editorमंसिर ११, बिहीबार २०:०१ |
बेइमान सपनाहरू
घरिघरि जिस्क्याउन आउॅंछन्
मेरा वर्तमान फूलबारीमा
र रैफाँडो मच्चाउॅंछन् !
बेइमान सपनाहरू
बेचैनीका पोका ल्याएर
मेरो आँगनमा छरपस्ट फाल्छन्
र उधुम मच्चाउन थाल्छन् !
बेइमान सपनाहरू
विगतको भूत लिएर आउॅंछन्
मृत आकांक्षाको खैंजेडी बजाउॅंछन्
र झाँक्री नाच्न थाल्छन् !
बेइमान सपनाहरू
निर्लज्जताको निर्वस्त्र पहिरनमा
आमन्त्रणको शहनाई बजाउॅंछन्
र निद्रा भङ्ग गर्न थाल्छन् !
आजकाल म
बेइमान सपनाहरूको
चक्रब्यूहमा परेको छु !
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
