अथाह, अटुट
म उड्न चाहन्छु, म बादल च्यात्न चाहन्छु,
सिमानाहरू तोड्दै, हुरीसँग लड्न चाहन्छु
पखेटा खोज्दिनँ, म आँधी बनूँ
स्वर्गलाई झुकाउने बानी बनूँ

म कुद्न चाहन्छु, बाटो किन चाहियो?
जङ्गल, पहाड, आगो, भेल—सबै जित्छु म एउटै खेल
चट्टान अगाडि उभिन्छन्, खोलाहरू रिसाउँछन्
तर म झुक्दिनँ, म अझ माथि उठ्छु

म खस्न चाहन्छु, म तीव्र गड्याङगुडुङ चाहन्छु
बाँच्न मात्र होइन, जिउँदो महसूस गर्न चाहन्छु
हावाले चिच्याओस्, आकाश घुमोस्
मेरो रगत उम्लियोस्, जिन्दगी झनै चम्कियोस्

तर म रोक्दिनँ, न त डोरीले बाँध्न सक्छ
न त डरले पछाडि तान्न सक्छ
प्रेमले मलाई थुनोस्? सम्भव छैन
भूतकालले बोलाओस्? म फर्किन्नँ

हरेक दिन, म आँधीलाई पछ्याउँछु
म तुफानसँगै नाच्छु, आकाश चुम्छु
संसार हेरोस्, चिच्याओस्, बुझोस्—
म अथाह छु, म अटुट छु, म स्वतन्त्र छु ।